الهند مش قادرة توقف تدفق مياه السند لباكستان رغم الخلاف الكبير
رغم الخلافات السياسية اللي بين الهند وباكستان، إلا أن خبراء المياه بيأكدوا إن الهند مش قادرة توقف تدفق مياه نهر السند صوب باكستان، بسبب نقص البنية التحتية الكبيرة عندها وكمان قلة القنوات اللي ممكن تحول كميات المياه دي.
بحسب تقرير نشرته “بي بي سي”، الهند قررت توقف معاهدة مياه نهر السند اللي موقعة من 1960، بعد الهجوم الأخير في كشمير المعاهدة دي صمدت حتى في عز الحروب، وكانت مثال لإدارة المياه عبر الحدود، بس دلوقتي الوضع مختلف.
الخبراء بيقولوا إنه صعب جداً على الهند تحجز كل الميه دي، لإنها محتاجه سدود ضخمة ومحطات تخزين مش موجودة اصلاً اللي عندهم بس محطات كهربا بتشتغل بالمياه الجارية بدون ما تحجز كميات كبيره.
الهند كمان ممكن دلوقتي تمتنع عن مشاركة بيانات الفيضانات مع باكستان، ودا شيء مهم عشان التخطيط للري والشرب ومشاريع الطاقة.
مع إنه في كل أزمة بتطلع فكرة “القنبلة المائية”، إلا إن حجز المياه وإطلاقها فجأه هيضر الهند نفسها قبل ما يضر باكستان، بسبب تضاريس المنطقة وبعد السدود عن الحدود.
المنطقة دي أصلًا معروفة بفيضانات مدمرة كل موسم رياح، من يونيو لحد سبتمبر، والهند مش بتشارك بيانات كفاية زي المفروض حسب المعاهدة.
