قصص انتقالات مثيره بين ريال مدريد وبرشلونة تصنع تاريخ من الولاء والخيانه
الكلاسيكو الاسباني بين ريال مدريد وبرشلونة دايمًا مليان حكايات وصراعات، مو بس على ارضية الملعب، حتى برى الملعب كانت الانتقالات مثيره ومليانه جدل واتهامات بالخيانه والولاء.
في الخمسينات، كان فيه قصه مثيره لما الاسطوره الفريدو دي ستيفانو كان خلاص بيروح برشلونه، فجأه خطفه ريال مدريد، وسوى ازمه كبيره بين الناديين، كانت البدايه فعليًا لصراع مرير بين الطرفين.
وبعدها بسنين، جاء لويس انريكي، اللي انتقل من ريال مدريد لبرشلونه سنة 1996، اللاعب اللي ماكان مسوي شيء كبير مع الملكي، صار نجم كبير مع البلوغرانا وسجل ارقام ممتازه وخلى جماهير الريال تغلي من الغضب.
اما القصه الاكبر فكانت مع لويس فيغو، لما راح من برشلونه لريال مدريد سنة 2000 بصفقه خرافيه وقتها بـ58 مليون يورو، وجماهير الكامب نو ما نسيت له الخيانه، ورموا عليه راس خنزير بالكلاسيكو.
ورونالدو الظاهره له حكايه ثانيه، تألق موسم واحد مع برشلونه، بعدين راح لانتر ميلان، وبعدين رجع لاسبانيا مع ريال مدريد، وصار من رموز الميرنغي.
صامويل ايتو كمان عنده ثار قديم، تجاهله الريال واعاره لمايوركا، بعدها انفجر مع برشلونه وكان دايم يحتفل قدام الريال بطريقه مستفزه.
كل هذي القصص صنعت تاريخ خاص ومثير للكلاسيكو، وخلت العداوه بين الناديين تشتعل اكثر مع كل مواجهه.
