وفد رسمي مصري يشارك ف جنازة البابا فرنسيس برئاسة وزير الأوقاف
بتكليف من السيد الرئيس عبد الفتاح السيسي، شارك وفد رسمي كبير برئاسة الدكتور أسامه الازهري وزير الاوقاف، ف جنازة البابا فرنسيس، اللي أمت الصبح بساحة القديس بطرس فى الفاتيكان وكان معاه السفير حسين السحرتي سفير مصر عند الفاتيكان، وكمان المستشار تامر شاهين والدكتور أسامه رسلان المتحدث بأسم وزارة الاوقاف.
القداس الجنائزي اتراس فيه عميد الكرادله الكاردينال جيوفاني باتيستا ري، وحضر حوالي ٢٥٠ كاردينال وأساقفه ورهبان وكهنه، ومعاهم أكتر من ٢٥٠ ألف شخص.
وشهدت الجنازه حضور ضخم من قادة دول العالم، حوالى ١٣٠ وفد رسمي، ومنهم ٥٠ رئيس دوله و١٠ ملوك، زي الرئيس الأمريكي دونالد ترامب والرئيس الفرنسي إيمانويل ماكرون والرئيس الأرجنتيني خافيير ميلي.
الدكتور اسامه الازهري قدم تعازيه للكنيسه الكاثوليكيه، وأكد إن البابا كان راجل عظيم ومواقفه الإنسانيه لا تتنسى، وكان دايمًا بينادي بالسلام والحب ونبذ العنف.
واختتم وزير الاوقاف كلامه وقال ان برحيل البابا فرنسيس، خسر العالم قائد روحي عظيم وقلب مليان رحمه.
