أوغندا بتعلن رسمى انتهاء تفشى الإيبولا بعد مجهود ضخم وشغل مكثف
قالت منظمة الصحه العالميه في بيان ليها النهارده إن أوغندا اعلنت رسميآ إنتهاء تفشي مرض الايبولا بعد حوالي ٣ شهور بس من تأكيد ظهوره فى العاصمه كمبالا.
واضافت، إنه خلال الفتره دي، تم تسجيل ١٤ حاله منهم ١٢ حاله مؤكده و ٢ غير مؤكده، وحصل ٤ وفيات وتعافي ١٠ اشخاص، وتم متابعة اكتر من ٥٣٠ شخص كانو مخالطين.
آخر مريض خرج يوم ١٥ مارس ٢٠٢٥، وبعدها بدأ العد التنازلي ٤٢ يوم لحد ما أعلنو نهاية التفشي رسميآ، على حسب تعليمات منظمة الصحه العالميه التفشي ده كان التاني خلال ٣ سنين ف اوغندا، بس بخبرتها قدرت تستجيب بسرعه.
بدعم من منظمة الصحه وشركاها، وزارة الصحه الاوغنديه فعّلت فرق الطوارئ ونشرت أنظمة مراقبه وشغلت وحدات علاجيه عند الحدود، خصوصآ في كمبالا.
كمان منظمة الصحه حشدت فوق ١٣٠ موظف دعم الاستجابه، وفحصو أكتر من ١٥٠٠ عينه، وقدرت توصل خدمات طبيه مهمه.
الدكتور تشيكوي قال ان الوباء كان تحدي صعب لكن اوغندا اثبتت قوتها سلالة الايبولا اللي اتحددت هي من نوع فيروس السودان، مميت لكن اوغندا قدرت توقف انتشاره.
