دموع العالم تنهال على وداع البابا فرنسيس في لحظه مؤثره حزينه
آلاف من الناس اتجمعو ف ساحة القديس بطرس النهارده عشان يودعو البابا فرنسيس ف وداع كله مشاعر، ما بين الصلاه والصمت والتصفيق العفوي، وسط بحر من الموبايلات اللي كانت بتصور اللحظات التاريخيه.
بعد القداس اللي رأسه الكاردينال جيوفاني باتيستا ري، طلع موكب الجنازه لكنيسة سانتا ماريا ماجوري، اللي كانت غاليه جدا على قلب البابا، واللي هيدفن فيها حسب رغبته القديمه.
الطريق من الفاتيكان للبازليكا كان مليان بالناس، السلطات قدرت العدد بحوالي ٢٠٠ ألف شخص وسط الغنا والدعاء، كانت خطه التأمين ضخمه جدآ، شارك فيها أكتر من ١٠ الاف شخص بين شرطة ومرور ومتطوعين.
وكان فيه قناصه فوق الاسطح، وكلاب شرطه، ودوريات فالنهار وعلى النهر، ومروحيات في السما، وكمان استخدمو تقنيه عسكريه ضد الطيارات الدرون لأول مره.
أما الرعايه الطبيه، فكان في ٥٠ اسعاف وست مراكز طبيه جاهزه لاي طوارئ.
القبر البسيط اللي اتجهز من رخام ليجوريا، منقوش عليه بس كلمه فرانسيسكوس وحاطينه جمب مذبح القديس فرانسيس في الكنيسه التاريخيه.
