انفجار ضخم في ميناء شهيد رجائي وإسرائيل تنفي علاقتها بالحادث
وسائل الإعلام العبريه نفت النهارده ان يكون لإسرائيل اي دخل ف الانفجار الكبير اللي حصل في ميناء الشهيد رجائي ف مدينة بندر عباس ف جنوب إيران، وقالت جريدة معاريف نقلا عن مسؤولين فالجيش الإسرائيلي الجيش ملوش علاقه باللي حصل ف إيران خالص
في الوقت ده، الطوارئ الإيرانيه طلعت بيان وقالت فيه ان عدد المصابين انفجار ميناء الشهيد رجائي زاد ووصل لـ561 مصاب، ف كارثه اعتبروها من أكبر الكوارث اللي حصلت ف الفتره الأخيره.
مدير إدارة الأزمات ف محافظة هرمزجان طلع وقال، إنهم لسه بيحققو فالانفجار، وهيعلنو عن السبب اول ما يخلصو التحريات، وبيحاولو يسرعو العملية عشان يطمنو الناس اللي عايشه حاله رعب وخوف بعد اللي حصل.
الخسائر الماديه كمان كانت كبيره جدا، والميناء حصل فيه تدمير واسع، وسط توقعات ان عدد الضحايا ممكن يزيد، ف ظل التعتيم الاعلامي الشبه كامل من بعض الجهات الرسميه.
