اكتشاف نظام كليمنجارو الغذائي بالتزامن مع تراجع النظام الغذائي الغربي
جريدة ديلي ميل البريطانيه قالت انه تم الإشاده من زمان بالنظام الغذائي المتوسطى واعتبروه الاكتر صحه، لكن دلوقتي ظهر نظام جديد اسمه نظام كليمنجارو الغذائي، اللي جاي من تنزانيا وسمي نسبه لجبل كليمنجارو النظام بيركز على أكلات زى الباميه والموز والفاصوليا ومشروبات زي المبيجي اللى بتتعمل من الموز المخمر.
الباحثين الهولنديين اكتشفو ان الناس اللي بياكلو اكل كليمنجارو صحتهوم افضل من سكان الدول الغربيه، لان الاكل هناك طبيعي ومفيهوش تصنيع كتير زي اكل الغرب.
كمان لما خلو ناس تاكل اكل غربي اسبوعين لقو عندهم التهابات اعلي بكتير، والعكس حصل مع اللي جربو نظام كليمنجارو، ومستوى الالتهابات قل وظل كده حتى بعد انتهاء الدراسه بأربع اسابيع.
بس رغم كده، لسه متوسط العمر ف تنزانيا ٦٧ سنه، اقل من امريكا وايطاليا واليونان، اللي واصل فيهم فوق الـ٨٠ سنه ومع كده معدل السرطان ف تنزانيا اقل بكتير من امريكا.
اخصائيين تغذيه نصحو ان اللي عايز يجرب ياكل خضار وفواكه وبقوليات طبيعيه ومش اكل مصنع.
