انفجار ميناء الشهيد رجائي واصابة 500 شخص والتحقيقات لسه جاريه دلوقتي
أفادت إدارة الطوارئ في محافظة هرمزجان ان تم نقل حوالى 500 مصاب بسبب الانفجار اللي حصل في ميناء الشهيد رجائي لمستشفيات المحافظه لحد دلوقتي.
وقال مدير عام إدارة الأزمات هناك، ان لسه بيتم دلوقتي تحقيقات واسعه في مكان الحادث علشان يعرفو السبب الحقيقي للإنفجار الكبير دا، وأكد انهم بيشتغلو بأقصى سرعه عشان يحددو السبب ويعلنو عنه للرأي العام قريبا.
الانفجار كان ضخم جدا واتسبب في خسائر ماديه كبيره بالمنطقه وكمان زعر وسط الاهالي والعمال اللي كانو موجودين.
السلطات الإيرانيه اكدت انها مسيطره ع الوضع وإن فرق الإنقاذ والدفاع المدني موجودين بكثافه في المكان وبيقدمو كل الدعم المطلوب للمصابين.
لحد دلوقتي مفيش اي جهه اعلنت مسؤوليتها عن الحادث، وفي انتظار نتائج التحقيقات اللي بتجري على قدم وساق.
الناس هناك عايشه حاله من القلق والترقب خصوصًا مع تضارب الاخبار حوالين الانفجار الكبير ده.
