ابن نائب مدير المخابرات الأمريكاني لقى مصرعه وهو بيحارب مع روسيا
نشرت جريده الجارديان البريطانيه، إن وسائل اعلام روسيه مستقله كشفت إن شاب أمريكاني قتل فى شرق اوكرانيا سنه 2024، لما كان بيحارب بعقد مع الجيش الروسي، والمفاجأة إنه طلع ابن نائب مدير الابتكار الرقمي في وكالة المخابرات المركزيه (CIA).
الشاب اسمه مايكل ألكسندر جلوس، وعمره 21 سنه، مات يوم 4 ابريل 2024 في اوروبا الشرقيه كده حسب النعي اللي نشرته عيلته، واللي مافيش ذكر فيه لا روسيا ولا اوكرانيا، وقالوا إنه مات بطريقه مأساويه.
مايكل كان في الاصل لاعب كوره في المدرسه الثانويه، وابويه خدموا في الجيش، وكان بيكره الفاشيه وبيحب وطني زي ما كاتب علي صفحته، ونشر علم روسيا وفلسطين كمان.
حسب تحقيق موقع iStories، مايكل كان من ضمن اكتر من 1500 أجنبي مضوا عقود مع الجيش الروسي من اول 2022، وانضم لوحدات هجومية بتحارب علي جبهات النار، واتقتل وهو بيقاتل قريب من مدينة سوليدار.
القصه بتقول إنه غضبه من امريكا ودعمها لإسرائيل خلاه يسيب بلده ويروح يحارب مع الروس، متأثر بفيديوهات كتيره عالنت بتروج لمؤامرات وحاجات ضد بلده.
