لاعبين غوانغجو يخطفون الانظار بروحهم الرياضيه رغم خسارتهم من الهلال
في لقطه نادره ومؤثره، لاعبين غوانغجو الصيني خطفو الاضواء بعد خسارتهم القاسيه قدام الهلال بنتيجة 7-0 في بطولة دوري ابطال اسيا للنخبه.
رغم الهزيمه الكبيره اللي تلقوها، الا انهم قدمو درس كبير في الروح الرياضيه والاخلاق العاليه قدام جماهير كرة القدم.
بعد نهاية المباراه، لاعبين غوانغجو توجهو لجماهير الهلال وصفقو لهم، بحركه نالت اعجاب الجميع سواء من الجماهير او الاعلام، واثبتو ان القيم والمبادئ الرياضيه تبقى فوق كل شي، حتى لو النتيجه كانت صعبه ومؤلمه.
الجماهير الهلاليه ردت تحية اللاعبين بحراره، تعبيراً عن احترامهم للموقف اللي قدموه الفريق الصيني، اللي عكس معدنهم الحقيقي واخلاقهم الكبيره داخل وخارج الملعب.
التصرف هذا اشعل السوشيال ميديا، الكل صار يمدح الفريق الصيني ويتكلم عن هاللقطه الجميله، اللي اعطت طابع ايجابي عن البطوله، واكدت ان كرة القدم مو بس فوز وخساره، هي كمان احترام وتقدير بين الجميع.
دروس كثيره قدمها غوانغجو للعالم، واهمها ان الاخلاق تبقى محفوره بالذاكره اكثر من النتائج، وان الخساره ماتقلل من قيمة الفريق ولا من احترام الناس له.
