الليله، ليفربول بيواجه توتنهام فـ ملعبه “آنفيلد”، فـ إطار منافسات الجوله 34 من الدوري الإنجليزي لموسم 2024-25.
المباراه يوم الأحد 27 إبريل، وكل الأنظار رايحه ناحية الملك المصري محمد صلاح، اللي قدامه رقم قياسي جديد يحطمه.
صلاح سجل قبل كده 15 هدف فـ شباك توتنهام عبر كل البطولات، بفارق هدف بس عن رصيده قدام مانشستر يونايتد، وعايز يكسر الرقم ده فـ الماتش الجاي.
مش بس كده، ده كمان بيطارد رقم الهداف التاريخي قدام السبيرز فـ البريميرليج، آلان شيرر، اللي ليه 14 جول، وصلاح حاليا عنده 11 جول.
الفرعون المصري كمان بيقود سباق الحذاء الذهبي، متصدر هدافي الدوري بـ 27 هدف، وعينه عالأرقام الفرديه زي ما عينه كمان عالتتويج مع فريقه.
ليفربول خلاص عشان يضمن الدوري رسمي، محتاج نقطه واحده بس، دلوقتي معاهم 79 نقطه، وبفارق 12 نقطه عن آرسنال اللي وراهم يعني جماهير الريدز بتستنّى يوم تاريخي جديد قريب جداً.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
