تشكيل وطريقة لعب برشلونة ضد ريال مدريد في نهائي الكأس
في ليلة مليانة نار وحماس، برشلونة بيلعب ضد غريمه ريال مدريد في نهائي كأس ملك إسبانيا، واللي بيقام دلوقتي على ملعب فريق إشبيلية “لاكارتوخا”، وكل العيون مترقبة مين اللي هيرفع الكأس الغالية.
مدرب برشلونة هانزي فليك حط الخطة اللي ناوي بيها يوقف خطورة الميرينجي، وجات طريقة لعب البارسا بتشكيلة 4-3-3 الكلاسيكية اللي بيعتمد عليها كتير.
خط الدفاع بيتكون من كريستنسن وكوندية ف قلب قلب الدفاع، وعلى الأطراف عندنا بالدي وأراوخو، بينما في خط الوسط، فليك اعتمد على بيدري وجافي، مع دي يونغ اللي هيكون دوره محوري في الربط بين الدفاع والهجوم.
أما قدام، فمهاجم البارسا الأساسي ليفاندوفسكي بيقود الهجوم، وإلى جنبه على الأطراف بيلعب فيران توريس ورافينيا، واللي عليهم دور كبير فـ تفكيك دفاعات الريال بسرعتهم ومهارتهم الفردية.
واضح من التشكيلة إن فليك ناوي يبدأ المباراة بحذر دفاعي نسبي، مع الاعتماد على المرتدات السريعة وضرب دفاع مدريد، خصوصا إنه عارف إن أي خطأ بسيط قد يكلفهم الكأس.
الجماهير الكتالونية متحمسة على الآخر، وحاسين إن فريقهم جاهز للموقعة دي رغم صعوبة المهمة ضد فريق بحجم ريال مدريد.
والساعات الجاية هتحسم كل حاجة.. يا ترى مين اللي هيتوج الليلة بالكأس الأغلى؟
