إعلامي إسباني يفجرها: ريال مدريد أكبر نادي صغير في العالم
في تصريحات نارية فاجئت الكل، طلع الإعلامي الإسباني لويس فلاكير وقال إن ريال مدريد أصبح “أكبر نادي صغير ف العالم”، الكلام دا قاله خلال ظهوره في برنامج “السندرين”، وسبب ضجة كبيرة وسط جمهور الملكي.
فلاكير وضح إن بالرغم من تاريخ الريال الكبير والبطولات الكتير اللي حققها عبر السنين، إلا إن تصرفاته الأخيرة خلت صورته تتغير، وقال إن الفريق بقى “ملك نوبات الغضب”، بسبب الاعتراضات الكتيرة على الحكام والقرارات التحكيمية.
الكلام دا جه بعد المؤتمر الصحفي اللي عمله الحكام قبل نهائي كأس ملك إسبانيا، واللي شافه فلاكير تصعيد مالوش لازمة من إدارة الريال الإعلامي أكد إن فريق بحجم ومكانة الملكي المفروض يتحلى بروح رياضية أكبر ويتجنب التصرفات اللي وصفها بـ”الطفولية”.
فلاكير كمان عبر عن خوفه إن استمرار السلوك دا يأثر سلبياً على صورة النادي قدام العالم كله، خصوصًا وإن الريال معروف عنه إنه رمز للهيبة والبطولات مش مكان للنكد والغضب.
التصريحات دي مولعة الأجواء قبل ساعات قليلة من الكلاسيكو المنتظر ضد برشلونة، والجمهور مستني يشوف رد فعل النادي على الانتقادات اللي بقت حديث الإعلام الإسباني كله.
