تحذير هام: واتساب يوقف الدعم عن اجهزة آيفون القديمة بداية من 5 مايو 2025 اعرف التفاصيل

تاريخ النشر: منذ 20 ساعة

🖊️ خالد جمال

📷 واتساب

في خطوة جديدة من شركة ميتا المالكة لتطبيق واتساب، اعلنت الشركة عن وقف دعم التطبيق لاجهزة آيفون القديمة اللي بتعمل بانظمة تشغيل قديمة، الامر اللي هيأثر بشكل مباشر على ملايين المستخدمين حول العالم وفي التقرير ده بنوضح تفاصيل القرار والاجهزة المتاثرة وسبب التغيير.

اجهزة آيفون مهددة بفقدان دعم واتساب قريبا

ابتداء من يوم 5 مايو 2025، هيتم ايقاف دعم واتساب لاجهزة آيفون اللي بتعمل بانظمة قديمة:

حاليا التطبيق بيدعم اجهزة آيفون اللي بتشتغل بنظام iOS 12 او احدث.
مع التغيير الجديد، مش هيشتغل واتساب الا على اجهزة آيفون اللي بتشتغل بنظام iOS 15.1 او احدث.
الاجهزة القديمة مش هتقدر تحدث للنظام الجديد وبالتالي مش هتدعم التطبيق.

قائمة الاجهزة اللي هيتوقف عليها واتساب

التغيير هيشمل مجموعة من الاجهزة اللي مر عليها اكتر من 10 سنوات من تاريخ الاصدار:

iPhone 5s.
iPhone 6.
iPhone 6 Plus.
الاجهزة دي صدرت في الفترة من 2013 الى 2014، ومش قادرة تحدث لنظام iOS 15.1.

ليه شركة ميتا قررت وقف دعم الاجهزة القديمة؟

ميتــا وضحت الاسباب الرئيسية اللي خلتها تتخذ القرار ده:

مع مرور الوقت الاجهزة القديمة بتواجه صعوبات في مواكبة التحديثات والميزات الجديدة.
بدل ما يشتغل التطبيق بشكل ضعيف او يحصل مشاكل في الاداء، الشركة فضلت وقف الدعم نهائيا.
الاجهزة القديمة غالبا مش بتحصل على اخر تحديثات الامان اللي بتحافظ على سلامة البيانات.
كل سنة بتراجع ميتا الاجهزة والانظمة وبتحدث قائمة الدعم بناء على الاستخدام والاداء.

في بيان رسمي، قال واتساب: “نحن ندعم حاليا اجهزة آيفون اللي بتعمل بنظام iOS 12 او احدث، ولكن بداية من 5 مايو 2025، هيقتصر الدعم على الاجهزة اللي بتشغل iOS 15.1 او احدث فقط والتغيير ضروري علشان التطبيق يشتغل بافضل اداء ويوفر حماية قصوى للمستخدمين.”