أرني سلوت يحسم التشكيل ليفربول قبل لقاء توتنهام الليله بملعب أنفيلد
استقر الهولندي أرني سلوت مدرب ليفربول، علي التشكيل إللي هيبدا بيه مواجهه توتنهام المهمه الليله في الدوري الانجليزي ليفربول هيستضيف توتنهام علي ملعب انفيلد، الساعه سته ونص مساء النهارده الأحد، ضمن الجوله ٣٤.
التشكيل المتوقع للريدز بيضم أليسون بيكر في حراسه المرمي قدامه في الدفاع برادلي، كوناتي، فان ديك، وتسيميكاس في وسط الملعب جرافينبيرخ، ماك اليستر، وسوبوسلاي وثلاثي الهجوم محمد صلاح، ديوجو جوتا، ولويس دياز.
ارني سلوت فضل انه يخلي ترينت ارنولد عالدكه، برغم انه سجل هدف الفوز ف الماتش اللي فات قدام ليستر سيتي جوتا كمان راجع لتشكيل الاساسي بعد ما كان احتياطي الماتش اللي فات.
مباراة النهارده ممكن تكون لحظه تتويج ليفربول باللقب رقم ٢٠ في الدوري، لانهم محتاجين بس نقطه واحده دلوقتي ليفربول ف الصداره ومعاه ٧٩ نقطه، اما توتنهام فمركز ١٦ ومعاه ٣٧ نقطه.
جمهور ليفربول متحمس ومستنني لحظه رفع الكاس، ومتفائلين بالمدرب سلوت انه يكتب تاريخ جديد معاهم.
