صباحك أوروبي ليفربول بيحلم باللقب وكين غاضب وجوارديولا ينتقد فريقه
جوله جديده من صباحك اوروبي اللي بيجمعلكم اهم اخبار الكوره العالميه النهارده البدايه من انجلترا، اوناي ايمري مدرب استون فيلا اعتذر لجماهيره بعد الخساره الكبيره قدام كريستال بالاس ٣-٠ وقال تركيزنا دلوقتي ع دوري الابطال.
ليفربول هيقابل توتنهام الليله، والريدز محتاجين نقطه بس عشان يتوجو بالدوري الانجليزي ويعادلو رقم مانشستر يونايتد.
بيب جوارديولا مدرب السيتي طلع وقال ان طريقة احتفال لعيبته بعد الاهداف بتوضح ان الفريق فقد شغفه، ودا شئ مقلق بالنسباله قبل ماتش نوتنجهام فورست.
في اسبانيا، رافينيا نجم برشلونه رفض عرض الهلال المغري، رغم انه ضخم جدا وبرشلونه توجت بكاس الملك بعد الفوز علي ريال مدريد ٣-٢.
اتليتكو مدريد هاجم ريال مدريد ببيان ناري، وقالو كفاية تلويث
في المانيا، هاري كين اتعصب بعد ما اخد انذار قدامه ماينز اللي هيمنعه من لعب ماتش حاسم قدام لايبزيج، وقال ان القرار ظالم جدا.
دورتموند انتصر علي هوفنهايم وصعد للمركز السادس بالبوندسليجا، ولسه بيحارب عالتاهل لاوروبا.
