ماتش ناري بين ليفربول وتوتنهام النهارده وحلم التتويج قريب اوي
عشاق الكوره الانجليزيه مستنيين مباراه قويه جدا النهارده، ليفربول هيلاعب توتنهام ف قمة الاسبوع ٣٤ من الدوري الانجليزي الممتاز الماتش هيبدأ الساعه ٦ مساءاً بتوقيت مصر علي ملعب انفيلد.
المباراه منقوله حصري علي قناة بي إن سبورتس 1، زي العاده لكل ماتشات البريميرليج.
ليفربول النهارده قدامه فرصه تاريخيه، لو خد نقطه واحده بس قدام توتنهام هيتوج رسمي بلقب الدوري لاول مره مع مدربه ارني سلوت، ويبقي كده معاه اللقب رقم ٢٠ ويعادل رقم مانشستر يونايتد.
الريدز دلوقتي متصدر الدوري ومعاه ٧٩ نقطه، متفوق بفرق ١٣ نقطه عن ارسنال اللي لعب ماتش زياده ارسنال فاضله ٤ ماتشات بس، فبالتالي نقطه واحده لليفر خلاص تقفل القصه.
في الناحيه التانيه، توتنهام مش ف احسن حالاته، بيحتل المركز ١٦ برصيد ٣٧ نقطه، وبيحاول يهرب من حسابات الهبوط.
ماتش النهارده مش بس قمه ع الورق، ده ممكن يكون فيه احتفال رسمي لجماهير ليفربول بالكأس الغاليه.
