الأهلي يعلن رحيل كولر رسميا ويجهز ٣ سيناريوهات لاختيار المدير الجديد
اعلن النادي الاهلي بشكل رسمي، مساء اليوم السبت، عن رحيل البرتغالي مارسيل كولر، المدير الفني للفريق، وشكر جهازه المعاون بدون ما يحدد اسم المدرب اللي هييجي مكانه.
قناة الاهلي وضحت ان بعض افراد الجهاز الفني الحالي ممكن يكملو مؤقتآ عشان تسيير الامور، لحد ما يتم رسم خارطة الطريق في الفتره الجايه.
فيه 3 سيناريوهات دلوقتي النادي بيدرسهم اول سيناريو، تعيين مدرب من ولاد النادي بشكل مؤقت، ممكن يستمر لحد ما يجي مدير اجنبي جديد، أو يكمل لو التفاوض مع مدرب اجنبي اتأخر.
السيناريو التاني، هو التعاقد بسرعه مع مدرب اجنبي من اللي متاحين دلوقتي بدون ارتباط مع انديه، عشان يلحق باقي الدوري وكأس العالم للأنديه.
اما السيناريو التالت، فهو فكره استثنائيه، إن النادي يجيب مدير فني مؤقت، اجنبي، مخصوص عشان كأس العالم والدوري بس، وده بيحصل لأول مره.
خلال ساعات، متوقع الأهلي يعلن التعديلات في الجهاز الفني، مع بقاء محمد شوقي في منصبه كنائب للمدير الرياضي.
