المنطقة الاقتصادية لقناة السويس.. سر الثروة الجديدة لمصر والـ 90 مليار دولار
إيه اللي بيحصل في المنطقة الاقتصادية لقناة السويس؟ وليه الـ 90 مليار دولار دول بيعتبروا بداية لثروة ضخمة لمصر؟ ده السؤال اللي بيشغل بال كتير من الناس دلوقتي، خصوصًا بعد الأخبار اللي بتتردد عن مشروعات ضخمة واستثمارات كبيرة هتغير شكل الاقتصاد المصري في المستقبل.
المنطقة الاقتصادية لقناة السويس هي واحدة من أهم المشروعات اللي اتعملت في مصر في الفترة الأخيرة المنطقة دي تم تأسيسها عشان تستغل الموقع الجغرافي الفريد لقناة السويس، اللي هي واحدة من أهم الممرات التجارية في العالم.
المنطقة كمان قريبة من موانئ ضخمة زي ميناء العين السخنة وميناء دمياط، وده بيخليها مكان مثالي لشركات عالمية عايزة توفر في تكاليف التصنيع والنقل.
وشوفنا قد إيه الشركات العالمية والدول دخلوا في سباق للاستثمار في المنطقة دي. الصين والروس عملوا مدن صناعية، وحتى الشركات العالمية بدأت تنقل جزء من نشاطها للمنطقة والجميل إن رغم حداثة المنطقة، إلا إنها استقبلت أكثر من 8 مليار دولار من الاستثمارات.
لكن المفاجأة الأكبر هي الاستثمارات المنتظرة، خصوصًا في مجالات زي الطاقة النظيفة والهيدروجين الأخضر حسب تصريحات وكالة بلومبرج، المنطقة الاقتصادية لقناة السويس مستعدة لاستقبال استثمارات هائلة وصلت لـ 90 مليار دولار في مشروعات الهيدروجين الأخضر.
الرقم ده ممكن يكون مفاجئ للبعض، لكن هو فعلاً قد قرص صندوق النقد الدولي 11 مرة!
الهيدروجين الأخضر ده بقى هو “وقود المستقبل”. اللي بيميز مصر إنها تملك الإمكانيات اللازمة لإنتاجه بكفاءة، زي طاقة الرياح والطاقة الشمسية وبسبب الإمكانيات دي، مصر هتكون قادرة على إنتاج الهيدروجين الأخضر بتكلفة أقل من أي دولة تانية في العالم ده السبب وراء تحمس الشركات العالمية للاستثمار في هذا النوع من الطاقة.
وعلى الرغم من إن مصر مهتمة بصناعة الهيدروجين الأخضر، إلا إن فيه كمان استفادة أخرى هتحققها مصر، وهي توطين الصناعات المغذية لهذه الصناعة.
يعني مصر مش بس هتنتج الهيدروجين الأخضر، لكن كمان هتكون مركز لتصنيع المعدات اللي بتحتاجها محطات التحلية والمحللات الكهربائية.
والأرقام اللي نسمعها عن الاستثمارات مش بس كلام، هي أرقام حقيقية تم ضخ حوالي 3 مليار دولار في مشروعات البنية التحتية والخدمات في المنطقة الاقتصادية لقناة السويس، وفيه أكتر من 272 مشروع دخلوا المنطقة خلال سنتين فقط، بمجموع استثمارات تجاوز الـ 8 مليار دولار. ومش بس كده، دلوقتي فيه مشاريع ضخمة زي مصنع إطارات السيارات اللي بتستثمر مليار يورو.
المشروعات دي كلها هتحول المنطقة الاقتصادية لقناة السويس إلى سنغافورة مصرية، اللي هتكون مصدر ثروة كبيرة للبلد وهتأثر على حياة الناس بشكل مباشر، من خلال خلق فرص عمل جديدة وتحسين مستوى المعيشة.
