ريال مدريد يشهد أسوأ موسم تحت قيادة أنشيلوتي بعد 13 هزيمة
ريال مدريد في أسوأ حالاته هذا الموسم تحت قيادة كارلو أنشيلوتي، اللي سجل مع الفريق أسوأ رقم له في آخر ست سنوات بعد ما تعرض الفريق لـ13 هزيمة لحد دلوقتي، وهو أعلى عدد خسائر لفريق تحت إشرافه.
الهزيمة الأخيرة أمام برشلونة في نهائي كأس ملك إسبانيا 3-2 ضاعفت الضغوط على المدرب الإيطالي، واللي من قبلها كان الفريق تعرض للهزيمة 4-0 في الدوري ضد برشلونة، وكمان خسر في نهائي السوبر الإسباني بنتيجة 5-2.
أنشيلوتي، اللي فاز مع ريال مدريد بـ15 لقبًا، بيعيش موسم محبط على كل الأصعدة. مش بس النتائج، لكن كمان الأداء تحت المجهر، وعلامات الاستفهام بتزداد حوالين مستقبله في النادي، خصوصًا مع تزايد الأصوات داخل النادي وخارجه اللي بتنادي برحيله.
وعلى الرغم من النجاحات الكبيرة والإنجازات اللي حققها مع الفريق، إلا أن الموسم ده كان صعب جدًا عليه، ومع كل هزيمة، بتزيد الضغوط عليه أكتر واللي بيزيد الوضع تعقيدًا، هو استمرارية الأخطاء في المباريات الكبرى ضد الغريم التقليدي برشلونة، واللي مش بتكون مجرد خسارة، لكن بيكون في كل مرة خسارة ثقيلة ومؤلمة.
