محمد علي رزق المسرح جيم للممثل وأنا مشغول بتجربة كوميدية جديدة
قال الفنان محمد علي رزق في إنه بيقدّم دور أكرم في مسرحية في يوم وليلة وهي شخصية سلبية جدًا لأنه مش قادر يواجه مشاكله أو يعبّر عن نفسه، لدرجة إنه بيؤذي نفسه بصمته، لكن بيحصل تحول كبير في حياته في العرض ده.
رزق وضح كمان إنه وافق على الدور لأنه كان محتاج يرجع للمسرح بنوع كوميدي، وقال إن المسرح بيمنحه فرصة لتجريب أشياء جديدة بعيدًا عن السينما والدراما، حيث الجمهور متقبل التجربة وأضاف إن آخر عمل مسرحي قدمه كان كاليجولا وكان دور سايكو لكن قرر في المرة دي يقدم شخصية متناقضة تمامًا.
وأشار رزق إلى إن المسرح بالنسباله زي الجيم للممثل، بيصقل قدراته وبيخليه يركز أكتر وأكد إن المسرح هو تدريب ضروري للممثل عشان يكون قريب من الناس الحقيقة بعيد عن عالم السوشيال ميديا.
وفيما يخص دوره في مسلسل ظلم المصطبة قال رزق إن شخصية وليد كانت بسيطة وعادية، والنجاح اللي حققته الشخصية بسبب إنها اتقدمت بشكل صادق زي ما مكتوب.
العمل المسرحي في يوم وليلة من بطولة محمد علي رزق، سارة الدرزاوي، محمد الدمراوي، وغيرهم، ومن تأليف وإخراج محمد عبد الستار.
