ميلان يكسب فينيزيا بهدفين ويواصل صحوته بالدوري الإيطالي بكل قوة
ميلان قدر يحقق فوز مهم على حساب فينيزيا بنتيجة 2-0، في المباراة اللي جمعت الفريقين النهارده ضمن منافسات الاسبوع 34 من الدوري الايطالي، واللي اتلعبت على ملعب بيير لويجي.
سجل لميلان كريستيان بوليسيتش هدف سريع في الدقيقة 5 من بداية اللقاء، وبعدها فضل الفريق محافظ على تقدمه، لحد ما جه سانتياجو خيمينيز وأضاف الهدف التاني في الدقيقة 90+5 وقت بدل الضايع.
الفوز ده بيأكد صحوة ميلان بالفترة الأخيرة، خصوصا بعد ما انتصر على إنتر 3-0 في نص نهائي كأس إيطاليا، وبيواصل الفريق رفع الروح المعنوية للجمهور اللي كان مستني النتائج دي من زمان.
ميلان بيحاول دلوقتي يحسن موقفه في جدول الدوري، بعد ما اتأخر كتير في الترتيب وابتعد عن المنافسة على مراكز دوري الأبطال ميلان رفع رصيده لـ54 نقطة، وبقى في المركز التاسع، في حين فينيزيا تجمد رصيده عند 25 نقطة في المركز قبل الأخير، ووضعه بقى صعب جدا في صراع الهبوط.
الجمهور بيأمل ميلان يكمل سلسلة الانتصارات دي ويحسن صورته قبل نهاية الموسم.
