تشيلسي بيجهز عرض خرافي عشان يضم نجم يوفنتوس التركي يلديز
ذكرت صحيفة CaughtOffside العالمية النهارده الاحد، ان ادارة تشيلسي ناوية تقدم عرض ضخم بقيمة 100 مليون يورو علشان تحاول تقنع يوفنتوس بالتخلي عن نجمه التركي كينان يلديز.
ورغم الاهتمام الكبير اللي بيجيله من أندية البريميرليج، النجم التركي لحد دلوقتي مش باين عليه إنه ناوي يسيب يوفنتوس خلال الميركاتو الصيفي الجاي، لكن احتمال غياب السيدة العجوز عن دوري الأبطال الموسم الجاي ممكن يخليه يعيد التفكير في مستقبله.
يلديز لسه مرتبط بعقد مع يوفنتوس لحد صيف 2029، وقدم موسم قوي جدًا، شارك خلاله في 45 مباراة في كل المسابقات، سجل 8 أهداف وصنع 5 كمان، وده خلاه واحد من أهم المواهب الصاعدة في أوروبا.
تشيلسي، اللي بيدور على تدعيم صفوفه بنجوم شباب للموسم الجاي، شايف في يلديز صفقة مثالية للمستقبل، وعلشان كده مستعد يدفع رقم كبير فيه إدارة يوفنتوس لسه مافيش رد رسمي منها، بس العرض الضخم ممكن يحطهم في موقف صعب.
