الأهلي بيقبل اعتذار سامي قمصان وعماد النحاس مدير فني مؤقت
اعلن النادي الاهلي في بيان رسمي انه وافق على قبول اعتذار الكابتن سامي قمصان، مدرب الفريق الأول لكرة القدم، عن استكماله في منصبه، بعد سنوات طويلة قضاها بيخدم النادي بكل إخلاص.
الأهلي وجه الشكر لقمصان على مجهوده الكبير وعطاؤه اللي كان دايمًا بلا حدود، وأكد إنه كان دايمًا نموذج في الالتزام والحرص على مصلحة الأهلي في كل الظروف.
وفي نفس السياق، مصدر داخل الأهلي صرح لموقع يلا كورة إن إدارة النادي استقرت على تعيين الكابتن عماد النحاس مدير فني مؤقت للفريق، بجانب محمد شوقي اللي هيمسك مدرب عام وكمان هيقوم بأعمال مدير الكرة.
القرار جه بعد الفترة اللي مر بيها الفريق بتغييرات كبيرة في الجهاز الفني بعد رحيل كولر مؤخرًا، والإدارة بتحاول ترجع الاستقرار بسرعة قبل المواجهات المهمة اللي جاية في الدوري وبطولة الكأس.
الجماهير دلوقتي مستنية تشوف تأثير التغييرات دي على مستوى الفريق خصوصًا إن المرحلة الجاية مصيرية.
