ليفربول بيخطط يدعم دفاعه بضم جول كوندي من برشلونة الصيف الجاي
نادي ليفربول مكمل سعيه لتدعيم خط دفاعه في الانتقالات الصيفية الجاية، وعينه على المدافع الفرنسي جول كوندي، لاعب برشلونة كوندي اللي عنده 26 سنة، يعتبر واحد من اهم ركائز فريق برشلونة تحت قيادة المدرب الألماني هانزي فليك، وقدم موسم مميز جدًا، سجل فيه 4 اهداف وصنع 8 أهداف في 52 ماتش بمختلف البطولات.
وحسب صحيفة CaughtOffside، ليفربول بيحط كوندي على رأس أولوياته الفترة الجاية، خصوصًا مع الكلام الكتير عن احتمال رحيل ترينت ألكسندر أرنولد لريال مدريد، وكمان مع تقدم فان دايك في السن، ومستقبل كوناتي الغامض، وتراجع مستوى جو جوميز بسبب الإصابات.
جول كوندي كان انتقل لبرشلونة من إشبيلية صيف 2022، في صفقة وقتها وصلت لـ50 مليون يورو، وكان ساعتها قريب جدًا من تشيلسي قبل ما يختار برشلونة ويمضي عقد طويل لحد صيف 2027.
الجدير بالذكر إن كوندي ساهم مؤخرًا في تتويج برشلونة بكأس الملك بعد الفوز على ريال مدريد 3-2 في النهائي، وعشان كده ليفربول شايف إنه صفقة تقيلة تدعم دفاعه بقوة الفترة الجاية.
