إنتر ميلان بيعيش كابوس في آخر الموسم وحلم الأبطال هو الأمل
إنتر ميلان بيمر بواحد من أصعب فتراته مع اقتراب نهاية الموسم، بعد ما كانت بدايته نارية وخطفت كل الأنظار وخدت سيموني إنزاجي تصفيق الدنيا كلها الفريق دلوقتي مش متزن خالص، بعدما ضاع عليه حلم الثلاثية المحلية، وبقى حتى لقب الدوري الإيطالي قريب يطير منه.
بداية السقوط كانت قدام ميلان، اللي فاز عليهم في نهائي كأس السوبر الإيطالي 3-2 وأهدى اللقب لمدربه الجديد سيرجيو كونسيساو ومن بعدها ميلان كرر تفوقه وأقصى إنتر من كأس إيطاليا بثلاثية نظيفة بعد تعادل في الذهاب 1-1.
في الدوري الإيطالي، إنتر كان بيصارع نابولي على الصدارة، لكن الخسارة قدام روما بهدف نظيف خلت نابولي ينفرد بالقمة الإنتر حاول، بس كل شوية العقبات كانت أكبر من تحمله.
رغم الكبوات دي، إنتر قدر يتخطى بايرن ميونخ في ربع نهائي دوري الأبطال بعد معركة طاحنة (4-3) بمجموع المباراتين، ودلوقتي مستني يواجه برشلونة يوم 30 أبريل، في ملعب لويس كومبانيس.
الإنتر جاي من 3 خسارات متتالية بدون تسجيل أي هدف لأول مرة من 2012، فهل دوري الأبطال ينقذ موسمهم ولا لأ الأيام الجاية هتقول.
