محمد صلاح بيشيد بسلوت وبيقول التتويج مع ليفربول له طعم تاني
قال محمد صلاح نجم ليفربول، في تصريحات تلفزيونيه مع سكاي سبورتس إن المدرب الهولندي آرني سلوت مختلف خالص عن يورجن كلوب، وأكد إنه بقى لاعب أحسن الموسم ده.
صلاح وضّح إن سلوت من أول يوم كان واضح وصريح معاهم، وقال هو هولندي والهولنديين معروفين بالصرامه، بس خلا حياتنا أسهل، وشرح لنا المطلوب بطريقة بسيطة
النجم المصري أشار إن سلوت ساعده يتحسن هجوميًا، وأضاف بقيت أركز أكتر على الهجوم، ومابقتش مطالب بدور دفاعي زي زمان، وده انعكس على أرقامي اللي شايفينها دلوقتي
صلاح بيّن إن الفرق بين كلوب وسلوت مش بسيط، وقال الخطط مختلفة تمامًا، وكل واحد ليه طريقة تفكير خاصة بيه وكشف إنه اتفق مع سلوت إنه يقدم كل حاجة هجومية طالما مش هيدافع كتير.
واختتم صلاح كلامه التتويج بالدوري الإنجليزي قدام جماهير ليفربول إحساس ملوش وصف، وإنجاز الموسم ده أحلى بكتير من لقب 2020، عشان معانا مدرب ولاعيبة جدد وأثبتنا نفسنا من تاني
