ليفربول بطل الدوري الإنجليزي ومستني يستلم الدرع قدام جماهيره
تاريخ النشر:
منذ 1 يوم
توج ليفربول رسميًا بلقب الدوري الإنجليزي الممتاز موسم 2024-2025 قبل ما الموسم يخلص بأربع جولات، بس لسه ما استلموش درع الدوري لحد دلوقتي.
الريدز عملوا مباراه كبيره على ملعب أنفيلد، رغم إنهم اتأخروا في النتيجه بهدف، رجعوا وسجلوا خمس أهداف وعملوا استعراض خيالي قدام جماهيرهم في ليلة التتويج.
ورغم الفوز والتتويج، ليفربول مش هيستلم درع الدوري في مباراته الجايه ضد أرسنال اللي هتتلعب يوم 11 مايو على أنفيلد.
ده لأن حسب لوايح الدوري الإنجليزي، الدرع بيتسلم في آخر مباراه للفريق البطل على ملعبه، طالما المنافسه انتهت قبل آخر جوله.
وبكده ليفربول المفروض يستلم الدرع في ماتش كريستال بالاس اللي هيتلعب يوم 25 مايو، واللي هيكون ضمن آخر جوله من الدوري.
جماهير ليفربول مستنيه اللحظه دي بفارغ الصبر عشان يحتفلوا مع الفريق بالإنجاز الكبير اللي رجعوه بعد تعب موسم طويل.
أحدث الأخبار
saudionportal.com
