رافائيل بينيتيز ممكن يدرب الأهلي وكيلو بيأكد انو مرحب ومستني عرض رسمي
في تطورات جديده بخصوص مدرب الأهلي الجديد، كشف أيمن سعداوي وكيل المدرب الإسباني رافائيل بينيتيز فـ المنطقه العربيه، إن بينيتيز رحب بشكل كبير بتدريب النادي الأهلي، بعد رحيل المدرب السويسري مارسيل كولر عقب خروج الفريق من بطولة أفريقيا.
سعداوي قال عالقناه الاولى في وكيل لاعبين مصري كلمني، وطلب مني نبدأ نتكلم مع بينيتيز علشان يمسك الأهلي وأضاف بينيتيز مرحب جدا بالفكره، وطلب يعرف تفاصيل اكتر عن مشروع الفريق، خصوصا إن عنده عروض من البرازيل ومن الصين بفلوس كتيره قويه
وتابع سعداوي لما قلتلو دا الأهلي نادي القرن فـ أفريقيا، اتحمس اكتر، بس لحد دلوقتي مفيش عرض رسمي جاه بينا.
بينيتيز كان ماسك فريق سيلتا فيجو الاسباني وسابهم قبل الموسم يخلص والمدرب الاسباني عنده سيره كبيره ودرب قبل كده فرق عالميه زي ليفربول وريال مدريد وتشيلسي ونابولي وفالنسيا وإنتر ميلان.
الأهلي دلوقتي بيدور علي مدير فني اجنبي جديد يقود الفريق للفتره الجايه.
