اتحاد الطائره يمهل الاندية مهله اخيره لسداد مستحقاتهم المتاخره قبل الموسم
أعلن اتحاد الكره الطايره عن قراره بإنه هيدي الانديه اللي عليها فلوس للاتحاد فرصه اخيره علشان يسددو كل المديونيات قبل بداية الموسم الجديد.
وحسب البيان الرسمي، الاتحاد قرر يدي الانديه مهله من 1 مايو 2025 لحد يوم 30 مايو نفس الشهر، علشان يسددو او على الاقل يعملو جدوله للفلوس اللي عليهم بشيكات بنكيه مقبوله الدفع.
الاتحاد قال انه كان متساهل معاهم فـ السنين اللي فاتت وسمحلهم يقيدو لاعيبه من غير ما يسددو بالكامل، بس دلوقتي بناء على تعليمات الجهات الرقابيه ووزارة الشباب والرياضه، لازم يجمعو كل الفلوس المتأخره.
الاتحاد وضح كمان إن الفلوس دي مهمه عشان التزامات المنتخبات القوميه وكمان تطوير لعبة الطايره فـ مصر، ومش هيكون فيه قيد للاعيبه او استخراج مطبوعات من الاتحاد لأي نادي عليه فلوس.
وختم البيان بالتأكيد إن الهدف من الاعلان بدري هو اعطاء كل الانديه فرصه كافيه عشان يظبطو اوضاعهم قبل ما يبدأ القيد الجديد.
