ارني سلوت يدخل تاريخ الدوري كواحد من اصغر المدربين المتوجين
الهولندي أرني سلوت مدرب ليفربول دخل التاريخ بعد ما قدر يحقق لقب الدوري الانجليزي مع فريقه الموسم ده، بعد الفوز الكبير على توتنهام 5-1 فـ الجوله 34 من البريميرليج امبارح الأحد.
ليفربول رفع رصيده لـ 82 نقطه، متصدر الدوري بفارق 15 نقطه كامله عن ارسنال، ومتبقي اربع جولات بس يعني 12 نقطه ممكنه، يعني اللقب خلاص محسوم.
حسب شبكة اوبـتا للاحصائيات، سلوت بقى رابع اصغر مدرب يفوز بالبريميرليج، وهو عنده 46 سنه و222 يوم.
وقبل سلوت كان فيه جوزيه مورينيو اللي فاز مع تشيلسي مرتين وهو عنده 42 و43 سنه، وكيني دالجليش مع بلاكبيرن وكان عنده 44 سنه.
بعدهم جه بيب جوارديولا لما فاز مع السيتي اول مره وعنده 47 سنه، وروبرتو مانشيني برضو مع السيتي، وبعديهم كونتي مع تشيلسي.
الارقام بتبين قد ايه ان سلوت حقق حاجه كبيره فـ سن مش كبير، خصوصا وسط منافسه قويه مع مدربين كبار زى جوارديولا وفينجر وانشيلوتي.
