صلاح يتألق وليفربول يحسم الدوري وأخبار ريال مدريد وبرشلونه وأوروبا
صباحك أوروبي بييجي ومعاه اهم الاخبار من الصحف الكبيره فـ اوروبا، سواء انجلترا ولا ايطاليا ولا اسبانيا وفرنسا والمانيا.
النجم محمد صلاح قلب ملعب انفيلد لاحتفاليه خاصه بيه لما اتصور سيلفي مع جماهير ليفربول بعد الفوز الساحق 5-1 علي توتنهام.
ليفربول ضمن الدوري الانجليزي قبل نهايه الموسم بـ 4 جولات، واصبح سلوت اول مدرب هولندي ياخد البريميرليج.
البارسا كمان بيعيش لحظات فرحه بعد الفوز علي ريال مدريد 3-2 بنهائي كاس الملك، وكوبارسي اشاد بالقتال اللي عملوه اللعيبه وكمان النادي عمل لفته انسانيه لما اهدي الكاس لذكرى الدكتور كارليس مينارو.
علي الجانب التاني، مستقبل انشيلوتي مع ريال مدريد مش واضح، مع ترقب اجتماع حاسم مع بيريز لحسم مصيره، والتقارير بتقول انه ممكن يرحل ويدرب البرازيل.
اما باريس سان جيرمان جماهيره متفائله جداً قدام ارسنال بدوري الابطال، ونسبه كبيره منهم شايفين الفريق هيكمل للنهائي.
في المانيا، هاري كين انتقد الحكم بعد ما اخد انذار امام ماينز، وقال القرار ده جنوني.
بنيامين بافارد من انتر ميلان اتعرض للاصابه بماتش روما، ورجع يكمل اللعب لكنه مقدرش وكمل الاصابه.
ويلديز لاعب اليوفي اتطرد بطرد مباشر بعد ضرب لاعب مونزا بالمرفق، واعتذر للجماهير بعد التصرف.
