ماتشات ناريه النهارده 28 ابريل مواجهات مصيريه في الكوره والطايره
النهارده الأثنين 28 ابريل، يوم مولع بالكوره والماتشات المهمه فـ كذا بطوله ومنافسه، وعلي راسهم موقعة الاهلي ضد الترجي بنصف نهائي افريقيا للكره الطائره الساعه 8 30.
الدوري المصري بيرجع يكمل مبارياته فـ مجموعة تحديد الهبوط، وهيتلعب 3 ماتشات ناريه الجونه ضد سموحه الساعه 5 مساءً علي اون سبورت 1، وبعديها الساعه 8 الإسماعيلي قدام زد علي نفس القناه، وفي نفس التوقيت طلائع الجيش هيلاعب الاتحاد السكندري بس علي اون سبورت 2.
اما في ايطاليا، فـ بيكمل الدوري الايطالي جولته الـ34 بـ 3 مباريات اودينيزي قدام بولونيا الساعه 7 30 مساءً علي AD سبورت بريميوم 1، ولاتسيو ضد بارما الساعه 9 45 علي نفس القناه، وكمان هيلاس فيرونا ضد كالياري في نفس التوقيت علي AD سبورت بريميوم 2.
اليوم كله كوره وحماس سواء محلي ولا افريقي ولا اوروبي جهزوا نفسكم لسهريه رياضيه من العيار الثقيل
