دواء رخيص ممكن يساعد في التغلب على التوحد وحكاية رايان الملهمه
كشفت صحيفة ديلي ميل البريطانية إن في أمل جديد لمرضى التوحد، وده من خلال أقراص رخيصه بتكلف 2 جنيه إسترليني بس الدكاتره شايفين إن فيتامين بسيط زي حمض الفوليك ممكن يقلل من خطر الإصابة بالتوحد وكمان يساعد الأطفال المصابين يتحسنوا.
الدكتور ريتشارد فراي، خبير التوحد الأمريكي، قال إن 3/4 الأطفال اللي عندهم توحد، عندهم نقص شديد في حمض الفوليك.
وبيوضح إنه لما بياخدوا مكملات زي ليوكوفورين بيبان تحسن فيهم خلال أسابيع.
الصحيفة كمان حكيت عن قصة الطفل رايان اللي كان مش بيتكلم خالص لحد سن ٤ سنين، وبعد ما بدأ ياخد العلاج، بدأ يتكلم ويعبر عن مشاعره لأول مرة وقال لمامته وباباه بحبكم ودي كانت لحظة عظيمة ليهم بعد سنين من المعاناه.
الدراسات أثبتت كمان إن الستات الحوامل اللي بياخدوا حمض الفوليك بيقللوا من خطر ولادة طفل مصاب بالتوحد
بس لسه في جدل بين الخبراء حوالين فعالية العلاج ده، وبيقولوا محتاجين أبحاث أكتر.
وبرغم كده الأمل كبير في علاج التوحد بمكملات بسيطه وسعرها رخيص.
