بيدري يتكلم عن أحلامه وطموحه قبل معركة إنتر ميلان الأوروبيه المهمه
قبل ساعات قليله من المواجهه المنتظره بين برشلونة وإنتر ميلان، بنصف نهائي دوري أبطال أوروبا، طلع بيدري بتصريحات مهمه عبر موقع الاتحاد الأوروبي لكرة القدم، كشف فيها عن شغفه الكبير بالكره وطموحاته القادمه.
قال بيدري: “من صغري وانا عايش على عشق الكوره، كنت دايم اشوف المباريات مع أهلي، وأبوي اللي زرع فيني حب برشلونه”.
وأضاف: “اليوم انا عايش حلمي وأمثل الفريق اللي عشقته طول حياتي”.
وعن علاقته مع المدرب الألماني هانز فليك، قال: “فليك كأنه أب بالنسبه لنا، دايم موجود عشان يساعدنا، صحيح إنه صارم، بس وراه قلب كبير ودعم مستمر وقت الزعل أو الهبوط بالمستوى”.
وتكلم بيدري عن التكيف مع طريقة الدفاع المتقدم اللي يعتمدها فليك، وقال إنها بالبدايه كانت صعبه، لكن الفريق تأقلم بسرعه وصار يطبقها صح.
أما عن حلمه الأكبر، فأكد بيدري إنه يتمنى يفوز بالكره الذهبيه بالمستقبل، لكنه حاليًا مركز مع الفريق على الفوز بالبطولات الثلاثه هالموسم، وبعدها يفكر بالألقاب الفرديه.
كل العيون بتكون عالبرسا وانتر بمباراة ينتظرها الملايين الليله!
