جمهور الهلال يجهز مفاجأه لمدرجات ملعب الإنماء قبل قمة الأهلي
مازال الحماس شغال على آخره بين جمهور الهلال قبل المواجهه المنتظره قدام الأهلي بنصف نهائي دوري أبطال آسيا للنخبه، اللي بتنلعب بكرا الثلاثاء 29 أبريل، الساعه سبعه ونص المساء بتوقيت مكه والقاهره.
الجمهور الهلالي بدأ يجهز خطه خاصه عشان المدرجات تطلع بلوحه رهيبه، ونشروا تعليمات واضحه على السوشيال ميديا، يطالبوا بعض بالحضور بالتيشيرت الأزرق الرسمي للهلال، عشان يوحدوا شكل المدرج ويكون دعم الفريق مضاعف قدام خصمهم العنيد الأهلي.
الهلال والأهلي كانو تواجهو قبل كذا مرتين بهالبطوله، كل فريق فاز مره، وسجل الهلال 4 اهداف مقابل 3 للأهلي، يعني التاريخ بين الفريقين جدا متقارب، والمباراه الجايه حتكون هي الفاصل مين فيهم يكمل المشوار.
المباراه بتنلعب على ملعب الإنماء بجده، والجماهير واعده إنها تعمل أجواء خرافيه لدعم الزعيم، والجميع متحمس يشوف كيف بيكون شكل المدرجات وسط هالتعبئه الجماهيريه الكبيره.
ماتنسوش لبس الأزرق ورفع الأعلام، الزعيم محتاج دعمكم!
