انقطاع الكهربا يشل مدريد و اسبانيا تعقد اجتماع طارئ بسرعه
ذكرت تقارير اعلاميه اسبانيه النهارده، ان حصل انقطاع كهربا كبير فمدريد خلى مترو الانفاق يتقفل، و كمان اتأثرت المطارات بشكل جامد فـ اسبانيا و البرتغال بسبب العطل دا.
الصور اللي انتشرت على مواقع التواصل الاجتماعي كانت بتبين مدخل محطة مترو ليجازبي و العمال واقفين بيشرحو للناس سبب الغلق، وبيقولوهم مفيش مترو النهارده بسبب المشكله.
كمان اتسببت الازمه دي بحاله فوضى كبيرة فاوروبا، خصوصا في اسبانيا و البرتغال وكمان حته من فرنسا، و توقفت حركه المترو بشكل كامل فمدريد، والناس كانت واقفه محتارة مش عارفه تروح فين ولا تيجي منين
و بسرعه الحكومه الاسبانيه قررت تعمل اجتماع طارئ علشان تناقش المشكله دي و تحاول تلاقي حلول سريعه، لان العطل الكهربائي اثر على قطاعات حيويه كتيره جدا في البلاد ووقف حالها تماما.
الناس كانت بتسأل امتى الكهربا ترجع، والدنيا كانت متلخبطه والجو حر وزحمه و كله قاعد مستني يعرف مصيره
لحد دلوقتي مفيش تفاصيل واضحه عن سبب الانقطاع الكبير ولا امتى كل حاجه ترجع تاني لطبيعتها.
