من حارس تالت للمقاولون لاهتمام الاهلي وبيراميدز قصة سيحا
من حوالي ١٨ شهر، احمد محمد الصباغ سيحا حارس المقاولون العرب وقتها (التالت)، نشر بوست لحارس الارجنتين بطل كاس العالم مارتينيز بيقول فيه سيجي وقتي ساعتها يمكن مكنش يعرف ان نفس الحكاية ممكن تتكرر معاه
المقاولون اعلن من كام يوم عبر ان الاهلي وبيراميدز عايزين يتعاقدو مع سيحا، اللي بيقدم موسم خرافي مع حرس الحدود اللي معار ليه.
سيحا كان الحارس التالت بعد محمود ابو السعود واحمد عربي ومشاركش غير ماتش واحد بكاس الرابطه، لكن لما راح حرس الحدود بالدوري، خطف الانظار بتصدياته اللي الجماهير قالت عليه سبايدر مان والحارس الطاير
سيحا مواليد مايو ٢٠٠١ من قرية الطيبة بالشرقية، وبدأ مشواره مع المقاولين حارس، زي والده وعمه اشرف الصباغ اللي لسه بيلعب فالقنايات بدرجه تالتة.
سيحا تدرج فمراحل الناشئين بالمقاولين واتاخد منتخب الشباب مع ربيع ياسين، وكمان كان موجود مع المنتخب الاوليمبي في اولمبياد باريس ٢٠٢٤.
كان هيحترف في لاتفيا فـ الشتوية بس المقاولين رفض عشان مركزهم وحش، وكمان وقع للاسماعيلي في الصيف بس الصفقة وقعت عشان وقف القيد.
سيحا طوله ١٩٤ سم ورد فعله الصاروخي خلاه حديث السوشيال ميديا، ومستنيين نشوف هيكمل مع مين
