إنتر مهدد بفقدان كل البطولات بعد خسارته الأخيرة
حلم نادي إنتر في التتويج بالثلاثية في موسم 2024-2025 اتحول لكابوس كبير، بعد ما بقى مهدد بعدم حصد أي لقب سواء محلي أو قاري الفريق تحت قيادة المدرب سيموني إنزاجي خسر آخر 3 مباريات ليه في كل البطولات.
كان إنتر قريب جدًا من تكرار إنجاز موسم 2009-2010، لما فاز بالثلاثية مع مورينيو، لكن الأسبوع ده دمر كل شيء الفريق كان بيحارب على أكتر من جبهةالدوري، الكأس، السوبر المحلي، ودوري أبطال أوروبا، وفي الصيف 2025 كان عايز ينافس في كأس العالم للأندية.
لكن كثرة المباريات والمنافسة على كل البطولات بنفس اللاعبين أدت لإرهاق بدني وعقلي، واللي اعترف بيه المدرب إنزاجي وده خلا إنتر يخسر المباريات الأخيرة ضد بولونيا وروما في الدوري، ويودع كأس إيطاليا من نصف النهائي بعد هزيمة ثقيلة من ميلان.
دلوقتي، موسم إنتر في خطر، خصوصًا بعد الخسارة الأخيرة، وهو بقى مضطر يواجه برشلونة في نصف نهائي دوري أبطال أوروبا، وفيه احتمالية كبيرة إنه يخسر كل شيء بعد ما كان بيحاول ينافس على كل البطولات.
