رودي فولر يحسم الجدل حول معاقبة روديجر بعد أزمة الكلاسيكو مع برشلونة
كشف رودي فولر، المدير الرياضي لمنتخب ألمانيا، الحقيقة بخصوص فرض عقوبة على أنطونيو روديجر مدافع ريال مدريد، بعد مشكلته مع حكم مباراة الكلاسيكو ضد برشلونة.
ريال مدريد خسر قدام برشلونة بنتيجة 3-2، في نهائي كأس ملك إسبانيا اللي اتلعب على ملعب لاكارتوخا في إشبيلية، وشهد اللقاء طرد 3 لاعبين من الريال وهم جود بيلينجهام، لوكاس فاسكيز، وروديجر بسبب الاعتراضات القوية بعد المباراة.
وكان في كلام كتير عن احتمال معاقبة روديجر، خاصة إنه حاول يعتدي على حكم المباراة ريكاردو دي بورجوس، وعقوبته ممكن توصل لـ12 ماتش إيقاف.
رودي فولر قال روديجر لاعب جامد وشخصيته قوية، وعاطفي زيادة في الملعب، لكن التصرف اللي عمله مش مقبول، خصوصًا إنه لاعب دولي ولازم يكون قدوة
وأضاف كمان إن روديجر تواصل معاه ومع المدرب ناجلسمان وناقشوا الموضوع، وفيه محادثات حصلت جوه الاتحاد الألماني.
وفي الآخر، فولر وضح إن روديجر مش هيتعاقب من الاتحاد الألماني، يعني مفيش عقوبات إضافية عليه مع المنتخب.
