كيم مين جاي يعترف بتأثير الإصابات والبايرن يفكر في بيعه الصيف الجاي
في تصريحات صريحة، اعترف كيم مين جاي مدافع بايرن ميونخ إن الإصابات والمشاكل العضلية اللي واجهها الموسم ده كانت سبب رئيسي في تراجع مستواه.
وقال كيم في حواره مع شبكة سكاي سبورتس:
“الأخطاء واردة، سواء كنت مصاب أو لعبت مباريات كتير بس ماينفعش الإصابات أو الإرهاق يكونوا شماعة. لسه أقدر أركز وألاقي طريقة نفوز بيها.”
تصريحات كيم جت في وقت حساس، خصوصًا بعد ما انتشرت تقارير صحفية بتتكلم عن نية إدارة البايرن عرض اللاعب للبيع الصيف اللي جاي، بعد ما حسوا إن مستواه ماكانش ثابت وماقدرش يقدم اللي كان متوقع منه لما اتعاقدوا معاه.
الجمهور البافاري لسه متقسم، في جزء شايف إن اللاعب يستحق فرصة تانية لو اتحسن بدنيًا، وجزء تاني شايف إن لازم يتم بيعه وجلب مدافع جاهز من الطراز الأول قبل بداية الموسم الجديد.
يُذكر إن كيم كان واحد من أبرز مدافعين الدوري الإيطالي قبل ما ينضم لبايرن ميونخ، لكن يبدو إن الظروف والإصابات وقفت قدامه في موسمه الأول مع العملاق الألماني.
