توتر خطير بين الهند وباكستان وكشمير تدق ناقوس الخطر النووي
حذرت باكستان على لسان وزير دفاعها خواجه محمد آصف إن التوغل العسكري الهندي في كشمير صار قريب، مع تصاعد التوتر بين البلدين اللي يمتلكون سلاح نووي، بعد الهجوم المسلح اللي مات فيه ٢٦ سائح الاسبوع اللي فات.
آصف قال بتصريحات لوكالة رويترز ونقلتها العربيه نت ان باكستان عززت قواتها على الحدود، والجيش ابلغ الحكومه بإن الهجوم الهندي ممكن يصير بأي لحظه، يعني ممكن يصير مواجهه مباشره خطيره.
الهجوم اللي صار بكشمير سبب غضب كبير بالهند، والسلطات هناك اتهمت باكستان إنها تدعم المتطرفين، وقالت ان اثنين من اللي شاركوا بالهجوم باكستانيين.
من جهتها، إسلام اباد نفت اي علاقه بالهجوم وطالبت بتحقيق محايد بالحادثه اللي زادت الطين بله بين الطرفين.
وقالت باكستان إن خطاب الهند صار هجومي اكثر بالفتره الأخيره، وإنها اخذت قرارات استراتيجيه جاهزه للتعامل مع الوضع.
واكد الوزير آصف ان باكستان على حالة تأهب قصوى، وقال ان السلاح النووي ماراح يستخدم إلا لو صار تهديد حقيقي لوجود باكستان.
