تأخير صرف الميزانية بحائل أجبر قادة المدارس يتحملون المصاريف بنفسهم
ادى تأخير صرف الميزانيه التشغيليه لمدارس البنين والبنات بحائل خلال الثلاث فصول للعام ١٤٤٦هـ، إلى تحمل قادة وقائدات المدارس أعباء ماليه اضافيه، واضطر كثير منهم يقطعون جزء من رواتبهم عشان يغطفون احتياجات تشغيل مدارسهم.
التأخير هذا سبب استنزاف مادي كبير، وخوف بعضهم إنهم ينحسبون ضمن قوائم المتعثرين فمكاتب التقسيط، لانهم اضطرو ياخذون قروض عشان يغطون مصاريف اسرهم ومدارسهم.
وكانت المدارس زمان تستفيد من دخل المقاصف لدعم الميزانيه، بس عقب ما صارت المقاصف بشركات مشغله، صار القاده والقائدات مضطرين يصرفون من حساباتهم لين تجي الميزانيه الرسميه، وبعضهم قالو ان اللي يصرفونه اكثر حتى من الميزانيه المخصصه لهم.
من ناحيته، قال مدير تعليم حايل عمر الغامدي بلقائه مع قائدات المدارس، إن كافه الاجراءات المطلوبه اكتملت، وان وزارة الماليه ضخت المبالغ في البنود.
واضاف الغامدي إنهم يشتغلون الحين على فتح حساب بنكي مستقل لكل مدرسه، مع اصدار بطاقة صرف تسلم لكل قائد وقائده قريب، لتسهيل اداره الميزانيه بالمستقبل.
