حقيقه عقوبة روديجر بعد ضرب الحكم في كلاسيكو الكأس بين مدريد وبرشلونه
كشف رودي فولر المدير الرياضي لمنتخب ألمانيا، عن الحقيقه الكامله بخصوص موضوع عقوبة أنطونيو روديجر مدافع ريال مدريد، بعد ما حاول يعتدي بالضرب على حكم كلاسيكو الكأس ضد برشلونه.
ريال مدريد كان خسر من برشلونه بثلاثه أهداف لهدفين، في نهائي كأس ملك إسبانيا اللي اتلعب على ملعب لاكارتوخا في إشبيليه، يوم السبت اللي فات.
بعد نهاية اللقاء، الحكم طرد تلاته من ريال مدريد: جود بيلينجهام، لوكاس فاسكيز، وروديجر، بسبب الاعتراض الزايد، وكان فيه توقعات ان روديجر هيتوقف بين 4 لـ 12 مباراه بسبب محاولته يضرب الحكم ريكاردو دي بورجوس.
لكن رودي فولر طلع وقال: “روديجر لاعب جامد وعاطفي ومقاتل، بس اللي عمله مش مقبول واتأثر كتير بالضغط حوالين النادي”.
وأكد ان روديجر اتواصل معاه ومع المدرب ناجلسمان عشان يناقشوا الموقف.
وأضاف فولر ان في نقاشات ومحادثات حصلت جوه الاتحاد الألماني، وفي الآخر قرروا إنهم مش هيعاقبوا روديجر بأي عقوبه داخليه.
يعني روديجر هيكمل مع منتخب ألمانيا عادي ومفيش أي مشاكل دلوقتي!
برأيك هل كان يستحق عقوبه ولا لأ؟
