إنتر ميامي يخسر قدام دالاس بغياب ميسي ونجومه الكبار فالدوري الأمريكي
تاريخ النشر:
منذ 4 ساعة
خسر فريق إنتر ميامي صباح الإثنين خسارة موجعه قدام دالاس بنتيجة 4-3 ضمن منافسات الجولة العاشره للدوري الأمريكي، في غياب مفاجئ لقائد الفريق ليونيل ميسي.
الجماهير اتفاجئت بعدم تواجد ميسي فالقائمة، وكمان غاب جوردي ألبا ولويس سواريز وبوسكيتس، وده بقرار من المدرب خافيير ماسكيرانو، اللي حب يريح النجوم قبل المواجهة المرتقبه ضد فانكوفر وايتكابس الكندي فإياب نصف نهائي دوري أبطال الكونكاكاف.
انتر ميامي دلوقتي بقى في المركز السادس ومعاه 18 نقطة بعد مرور 10 مباريات في الدوري.
الخساره دي زودت الضغط على ماسكيرانو ولاعبيه، خصوصًا انهم خسروا الذهاب قدام فانكوفر 2-0، ولازم يكسبوا بثلاث اهداف فالاياب عشان يتأهلو للنهائي، اللي هيلعبو فيه الفايز من تيجري وكروز أزول.
الجمهور قلقان هل يقدر ميسي ورفاقه يرجعوا فالإياب ولا الموسم هيبقى صعب عليهم؟
أحدث الأخبار
saudionportal.com
