النجم السويدي ألكسندر إيزاك، مهاجم نيوكاسل يونايتد، مكمل في التألق بشكل لافت هذا الموسم، وحقق رقم تهديفي جديد فاق كل مواسمه اللي فاتت.
إيزاك سجل لحد دلوقتي 26 هدف، منهم 22 هدف في الدوري الإنجليزي الممتاز، وده بيأكد تطوره الكبير مقارنة بالسنة اللي فاتت لما سجل 25 هدف وكمان مع أول موسم ليه اللي سجل فيه 10 بس.
اللاعب اللي عنده 25 سنة، بقى مصنف دلوقتي من ضمن أفضل 10 مهاجمين صريحين في العالم، وكمان عنده فرصة يكبر أكتر.
غير مهارته في التهديف، بيتميز بلياقة بدنية عالية ونادرًا ما بيتصاب، وده بيخليه لاعب مهم ومستقر في الفريق.
الأندية الكبيرة زي أرسنال ومانشستر يونايتد وليفربول حطين عينهم عليه، وفيه كلام عن عروض ممكن توصل لـ150 مليون يورو لضمه.
بس رغم كده، موضوع خروجه من نيوكاسل مش سهل، خصوصًا مع إمكانية تأهلهم لدوري أبطال أوروبا وعقده اللي مستمر لحد 2028.
مش بس في إنجلترا، برشلونة كمان بيراقبه، عشان ممكن يكون خليفة لليفاندوفسكي، وكمان ريال سوسيداد متابع وضعه عشان عندهم نسبة من بيعه المستقبلي.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
