اديداس تحتفل بذكرى مؤلمه لبرشلونة وقت فرحتهم بكأس الملك
في الوقت اللي كان فيه برشلونة وجماهيره بيحتفلوا بتتويجهم بكأس ملك اسبانيا، شركة أديداس الألمانيه رجعت تفتح واحده من الذكريات المريره لعشاق النادي الكتالوني.
اديداس نزلت مجموعة ملابس كلاسيكيه عشان تحتفل بتتويج مانشستر يونايتد بكأس أبطال الكؤوس الأوروبية سنة 1991، البطولة اللي خطفها اليونايتد قدام برشلونة بعد ما كسبه 2-1 في النهائي اللي اتلعب في روتردام بهولندا.
الشركة الألمانية كانت وقتها الراعي الرسمي لمانشستر يونايتد، وضمن التشكيله اللي طرحتها نزلت تيشيرت مكتوب عليه اسماء الفرق اللي قابلها اليونايتد لحد النهائي.
اللي بيزود الألم للكتلان ان التتويج ده كان مفاجأة كبيرة، خصوصًا ان برشلونة وقتها كان في قمة مستواه، واخد الدوري الاسباني ومكنش حد يتوقع يخسر، وكمان بعدها بسنه فاز لاول مره بدوري أبطال أوروبا.
تصرف أديداس استفز مشاعر بعض جماهير برشلونة اللي اعتبروا التوقيت مش مناسب خصوصًا مع احتفالاتهم بالكأس، لكن الشركة واضح انها كانت مركزه على جمهور مانشستر يونايتد ومش فارقه معاها مشاعر الكتالان.
