لعنة الصداره تضرب ليفربول ولاتسيو وتبعدهم عن حلم الألقاب الأوروبيه
رغم ان ليفربول ولاتسيو روما كانو متصدرين مجموعاتهم في الدور الاول من دوري أبطال اوروبا والدوري الأوروبي، إلا انهم فاجأوا الكل وودعوا البطولات مبكر.
ليفربول اللي كان الكل مرشحه للفوز باللقب، خرج من ثمن النهائي على يد باريس سان جيرمان، واللي اصلا كان صاعد من الملحق مش من المجموعات.
في حين لاتسيو روما خيب الآمال وخرج من ربع نهائي الدوري الاوروبي قدام نادي بودو غليمت المغمور اللي هو كمان جا من الملحق.
الغريب إن المربع الذهبي للبطولتين دلوقتي فيه فرق كانت اصلا مش متصدرة في دور المجموعات، زي برشلونة اللي كان تاني وارسنال تالت وانتر ميلان رابع، ومعاهم باريس سان جيرمان في الابطال. وفي الدوري الاوروبي كمان شفنا أتلتيك بيلباو تاني، مانشستر يونايتد تالت، توتنهام رابع ومعاهم بودو غليمت.
بس العجيب إن لعنة الصدارة ما أثرتش على تشيلسي اللي كان متصدر في دوري المؤتمر الأوروبي وقدر يوصل للمربع الذهبي هناك بكل سهوله.
باين إن الصدارة في الدور الاول مش دايما بشاره خير في أوروبا!
