برشلونة يحصد الثلاثيه بعد تتويجه بدوري أبطال اوروبا للشباب على حساب طرابزون
في ليله كانت كلها فرحه، قدر فريق برشلونة تحت 19 سنه يتوج بلقب دوري أبطال اوروبا للشباب للمره التالته في تاريخه، بعد ما فاز على طرابزون سبور التركي برباعيه مقابل هدف واحد، يوم الاثنين بالليل.
برشلونة الصغيرين مكفهوش الفوز بالبطوله دي وبس، لكنهم كمان هذا الموسم حققو الثلاثيه التاريخيه، بعد ما خطفوا لقب الدوري الإسباني وكأس ملك إسبانيا، واكملوها بدوري الأبطال.
المباراه كانت سهله نوعا ما، وسيطر عليها لاعيبة البرسا طول التسعين دقيقه، وقدرو يحسموها بسهوله ضد طرابزون اللي ما قدرش يجاريهم.
بكده برشلونة يبقى اكتر فريق متوج ببطوله دوري أبطال اوروبا للشباب عبر التاريخ، وده إنجاز يحسب للنادي اللي دايما مهتم بتصعيد المواهب والاعتماد على ابناء المدرسه بتاعته لا ماسيا.
الجمهور الكتالوني كان في قمة السعاده بعد الانجاز الكبير ده، خصوصا انه بيأكد إن المستقبل مبشر للفريق الأول اللي بيحتاج دايما لدماء جديده وشابه تواصل المسيره.
