إهتمام سعودي بحارس مانشستر سيتي وإنتقادات لروديجر وتصريحات ناريه من إنريكي
مصادر بتأكد إن اكتر من نادي سعودي عايز يتعاقد مع الحارس البرازيلي إيدرسون اللي بيلعب في مانشستر سيتي، وده بعد ما اخد الدوري الإنجليزي للمره السادسه، وبقى في كلام كتير إنه ممكن يسيب النادي ويروح الدوري السعودي فالصيف.
من ناحيه تانيه، فاردي اعلن إنه خلاص هيمشي من ليستر سيتي بعد 13 سنه معاهم، وقال إنه عايز يفضل في البريميرليج ومش عايز ينزل درجة أولى.
وفي مشهد لافت، تشيلسي هيعمل ممر شرفي لليفربول بعد ما الفريق حسم الدوري بفوز كبير على توتنهام 5-1، والماتش الجاي بينهم هيكون الاحد الجاي.
اما في مدريد، رودريجو لاعب ريال مدريد باين عليه الزهق وأداؤه نزل، والنادي بيفكر يبيعه الصيف ده عشان يجمع فلوس.
في فرنسا، إنريكي مدرب باريس سان جيرمان قال إنه واثق في فريقه قبل ماتش أرسنال في نصف نهائي الأبطال.
ومن ألمانيا، بايرن ميونخ قرب يخلص تجديد عقد ساني، وفي نفس الوقت الاتحاد الألماني انتقد تصرفات روديجر في ماتش الكلاسيكو
